ເປີດໂຕ ແຄມເປນ ຟາຍ ແອນ ມີີ້ດ ດັບໂບ້ ໂບນັດ

ຫນ່ວຍງານສົ່ງເສີມການຈັດປະຊຸມແລະນິທັດສະການແຫ່ງປະເທດໄທຮ່ວມມືກັບສາຍການບິນບາງກອກແອເວ ເປີດໂຕ ແຄມເປນ ຟາຍ ແອນ ມີີ້ດ ດັບໂບ້ ໂບນັດ (ຮ່ວມບິນແລະປະຊຸມໄດ້ຮັບຄະແນນສອງເທົ່າ) ເພື່ອດຶງດູດຜູ້ປະກອບການທາງທຸລະກິດກຸ່ມຂອງປຮະເທດອາຊີທັງ4 ອັນໄດ້ແກ່ ປະເທດກໍາປູເຈຍ, ປະເທດລາວ, ປະເທດມຽນມາ ແລະປະເທດຫວຽດນາມ

ເມື່ອວັນທີ່ 8 ພຶດສະພາ ປີ 2018 ປະເທດມຽນມາ ມີລາຍງານວ່າ ຫນ່ວຍງານສົ່ງເສີມການຈັດປະຊຸມແລະນິທັດສະການແຫ່ງປະເທດໄທໄດ້ຮ່ວມມືກັບສາຍການບິນບາງກອກແອເວ ໃນການຈັດແຄມເປນນີ້ຂຶ້ນເພື່ອດືງດູດ ກຸ່ມຜູ້ປະຊຸມແລະສ້າງແຮງບັນດານໃຈທາງທຸລະກິດ ຈາກຕະຫຼາດທຸລະກິດໃນປະເທດກໍາປູເຈຍ, ປະເທດລາວ, ປະເທດມຽນມາ ແລະປະເທດຫວຽດນາມ ສຳຫຼັບ ໂປໂມຊັ່ນ ຟາຍ ແອນ ມີີ້ດ ດັບໂບ້ ໂບນັດ ສຳຫຼັບປະເທດມຽນມານີ້ ໄດ້ຮັບການເປີດໂຕໂດຍ ທ.ພູຣິພັນ ບຸນນາກ ຜູ້ອຳນວຍການຝ່າຍສຳນັກງານອະທິບບໍດີຂອງຫນ່ວຍງານສົ່ງເສີມການຈັດປະຊຸມແລະນິທັດສະການແຫ່ງປະເທດໄທ ພ້ອມກັບ ທ.ວະຣົງ ອິດສະຣະເສນາ ນະ ອະຍຸດທະຍາ ໄວ້ເມື່ອວັນທີ່ 7 ພຶດສະພາ ປີ 2018 ທີ່ໂຮງແຮມໃນເມືອງຢ່າງກຸ້ງ

ທ.ພູຣິພັນ ເວົ້າໄວ້ວ່າ: “ການຮ່ວມມືກັບສາຍການບິນບາງກອກແອເວຄັ້ງນີ້ສອດຄ່ອງກັບແຜນພັດທະນາຍຸດທະສາດຂອງໄທ ກໍ່ຄື ການຮ່ວມມືກັບປະເທດເພື່ອນບ້ານ ໂດຍສະເພາະຍ່າງຍິ່ງ ກຸ່ມປະເທດອາຊີທັງ4 ນອກຈາກນັ້ນກະຍັງສອດຄ່ອງກັບນະໂຍບາຍຂອງຫນ່ວຍງານສົ່ງເສີມການຈັດປະຊຸມແລະນິທັດສະການແຫ່ງປະເທດໄທ  ກໍ່ຄື ການທຳງານຮ່ວມກັບພາກສ່ວນເອກະຊົນ ເພື່ອທີ່ຈະກະຕຸ້ນອຸດສາຫະກຳ MICE ຂອງໄທ (ອຸດສາຫະກຳການປະຊຸມ, ການຈູງໃຈ ແລະ ການຈັດການສະແດງສິນຄ້າຂອງປະເທດ) ແຄມເປນສົ່ງເສີມການຂາຍຂອງເຮົາໃນຄັ້ງນີ້ມາໃນຊ່ວງເວລາທີ່ເຫມາະສົມ ເພາະເນື່ອງຈາກກິດຈະກຳທາງທຸລະກິດກຳລັງເກີດຂື້ນໃນພູມພາກນີ້ພໍດີ ເຮົາໄດ້ເຫັນການເຕີບໂຕແບບສົມບູນຂອງທຸລະກິດຂອງກຸ່ມປະເທດອາຊີທັງ4 ສູງເຖິງ 24 ເປີເຊັນ ໃນປີທີ່ແລ້ວ ແລະເຮົາຫວັງວ່າຈະສະຫນັບສະຫນຸນໃຫ້ພາບລັກດີຍິ່ງຂື້ນ”

ທ.ວະຣົງ ເວົ້າໄວ້ວ່າ: “ດ້ວຍຈຸດເດັ່ນຂອງສາຍການບິນບາງກອກແອເວໃນຖານະຜູ້ໃຫ້ບໍລິການແບບຄົບຄັນແລະເຕັມຮູບແບບ ສຳຫຼັບກຸ່ມປະເທດອາຊີທັງ4 ພ້ອມທັງການເຊື່ອມຕໍ່ທ້ຽວບິນທີ່ຢືດຢຸ່ນພາຍໃນປະເທດໄທກັບເມືອງທາງອຸດສາຫະກຳການປະຊຸມ, ການຈູງໃຈ ແລະ ການຈັດການສະແດງສິນຄ້າຂອງປະເທດ ເຮົາເຊື່ອວ່າການຮ່ວມມືກັນໃນຄັ້ງນີ້ຈະດຶງດູດຜູ້ປະກອບການທາງທຸລະກິດໃນກຸ່ມປະເທດອາຊີທັງ4    ໃຫ້ເພີ່ມມາກຂື້ນພາຍໃນປະເທດ”

ແຄມເປນນີ້ມອບຜົນປະໂຫຍດມາກມາຍແກ່ກຸ່ມນັກເດີນທາງເພື່ອການປະຊຸມແລະແຮງຈູງໃຈ ໂດຍສະເພາະສຳຫຼັບລູກຄ້າວີໄອພີທີ່ເດີນທາງມາເຖິງສະຫນາມບິນນານາຊາດສຸວັນນະພູມ ກຸງເທບແລ້ວນັ້ນ ທາງຫນ່ວຍງານສົ່ງເສີມການຈັດປະຊຸມແລະນິທັດສະການແຫ່ງປະເທດໄທຈະຈັດຫາຊ່ອງທາງພິເສດໄວ້ໃຫ້ສຳຫຼັບຄວາມວ່ອງໄວ  ໃນການທຳເລື່ອງກວດຄົນເຂົ້າເມືອງ ນອກຈາກນີ້ຍັງສະເຫນີເງີນອຸດຫນຸນບໍ່ເກີນ 300,000 ບາດໄທ (9,000 ໂດລ່າອາເມລິກາ) ຕໍ່ກຸ່ມ ຫຼື ນັກວາງແຜນຢັງສາມາດເລືອກໃຊ້ການສະແດງທາງວິດທະນະທຳ, ການພົບປະແລະທັກທາຍ ຫຼື ການສາທິດງານຫັດທະກຳຂອງທຳມືຂອງໄທ ທີ່ມີມູນຄ່າທຽບເທົ່າກັບເງີນອຸດຫນຸນທາງການເງີນ

ສາຍການບິນບາງກອກແອເວຍັງສະເຫນີປີ້ຍົນຟຣີ 1 ໃບ ສຳຫຼັບກຸ່ມຜູ້ໂດຍສານ 50 ຄົນຂື້ນໄປ ທຸກໆກຸ່ມ; ແລະຂະໄດ້ຄະແນນສະສົມຂອງສາຍການບິນເພີ່ມຂື້ນ 2 ເທົ່າ, ນອກຈາກນີ້ຍັງໂຫຼດກະເປົ໋າເພີ່ມໄດ້ອີກ 10 ກິໂລກຣັມ, ສິດຈອງແລະກຳຫນົດທີ່ນັ່ງແບບກຸ່ມລ່ວງຫນ້າ, ເຄົ້າເຕີເຊັກອິນພິເສດ, ສິດການເຊັກອິນກ່ອນຜູ້ໃດ, ສິດໂຫຼດກະເປົ໋າແລະຕິດປ້າຍກ່ອນຜູ້ໃດ ແລະ ຂອງຊຳລ່ວຍ ອີກພ້ອມ

ຕາມທີ່ເວົ້າມາຂ້າງເທີງ ເພື່ອໃຫ້ມີຄຸນສົມບັດແລະລັກສະນະຄົບຖ້ວນ ກຸ່ມຜູ້ເຂົ້າຮ່ວມການປະຊຸມທີ່ເດີນທາງເຂົ້າມາໃນປະເທດໄທ ດ້ວຍສາຍການບິນບາງກອກແອເວ ຈະຕ້ອງມີຜູ້ເຂົ້າຮ່ວມຢ່າງນ້ອຍ 50 ຄົນຂື້ນໄປ ແລະຈະຕ້ອງເຂົ້າພັກກັບໂຮງແຮມທີ່ເຂົ້າຮ່ວມລົງທະບຽນໄວ້ແລ້ວ ຢ່າງນ້ອຍ 2 ຄືນ ຫຼື ເຂົ້າຮ່ວມກິດຈະກຳທີ່ໄດ້ການຮັບຮອງມາດຕະຖານຈາກ ຫນ່ວຍມາດຕະຖານແຫ່ງກຸ່ມອຸດສາຫະກຳການປະຊຸມ, ການຈູງໃຈ ແລະ ການຈັດການສະແດງສິນຄ້າຂອງປະເທດ ແຄມເປນສົ່ງເສີມການຂາຍນີ້ໃຊ້ໄດ້ກັບກຸ່ມປະເທດອາຊີທິງ 4 ທົ່ວທັງສີ່ແຫ່ງ ແລະສາມາດໃຊ້ໄດ້ຕັ້ງແຕ່ ເດືອນເມສາ ປີ 2018 ຮອດ ເດືອນກັນຍາ ປີ 2019

 

ຕິດຕໍ່ຝ່າຍຂາຍ

ຫນ່ວຍງານສົ່ງເສີມການຈັດປະຊຸມແລະນິທັດສະການແຫ່ງປະເທດໄທ

ນ.ນາທິນີ ແຈ່ມຈັນ

ອີເມລ: nathinee_c@tceb.or.th

ໂທ: +662-694-6000

ຫຼື

ສາຍການບິນບາງກອກແອເວ

ນ.ກອບສຸກ ວະສຸທາໄລນັນ

ອີເມລ: vtesdpg@bangkokair.com

ໂທ: +856-21-242-557, +856-21-242-559

ແມ່ນການເປີດຕົວຢ່າງເປັນທາງການ

ແມ່ນການເປີດຕົວຢ່າງເປັນທາງການ

ຕ້ອງການຊອກວຽກ

ຊົມເຊີຍ ແລະມາເລົ່າເລື່ອງ ໃໝ່ ໃໝ່ໆ ທີ່ດີໆແບບນີ້